កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យម្នាក់ ករណីជួញដូរដោយខុសច្បាប់នូវសារធាតុញៀន
25-August-2018 | ដោយ ពលមនសិការ
ភ្នំពេញ៖ កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យម្នាក់ ករណីជួញដូរដោយខុសច្បាប់នូវសារធាតុញៀនកាលពីថ្ងៃទី ២៤ ខែសីហា ឆ្នាំ២០១៨ វេលាម៉ោង២១និង៤០នាទី នៅចំណុចផ្ទះគ្មានលេខ ផ្លូវលំ ភូមិសាមគ្គីទី ៦ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
លោកវរសេនីយ៍ឯក យឹម សារ៉ាន់ អធិការនគរបាលខណ្ឌពោធិ៍សែនជ័យ បានឲ្យដឹងថាជនសង្ស័យឈ្មោះ លី សំណាង ភេទប្រុស អាយុ៣០ ឆ្នាំ ជនជាតិខ្មែរ មុខរបរកម្មករសំណង់ រស់នៅភូមិសាមគ្គីទី ៦ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
វត្ថុតាងដកហូតៈក្រាមពណ៌សថ្លាចំនួន៧កញ្ចប់ថង់ (ធំមួយកញ្ចប់ និងតូច៦កញ្ចប់) សង្ស័យជា គ្រឿងញៀនប្រភេទមេតំហ្វេតាមីន, កូនជញ្ជីងអេឡិចត្រូនិចសម្រាប់ថ្លឹងគ្រឿងញៀន១, ឧបករណ៍សម្រាប់ជក់គ្រឿងញៀននិងកូនថង់ប្លាស្ទិចសំរាប់ច្រកគ្រឿងញៀនមួយចំនួន។
លោកអធិការបន្តថាកាលពីថ្ងៃទី២៤ ខែសីហា ឆ្នាំ២០១៨ វេលាម៉ោង២២១និង៣០ នាទីយប់ កម្លាំងសមត្ថកិច្ចនគរបាលផ្នែកប្រឆាំងគ្រឿងញៀន នៃអធិការរដ្ឋានខណ្ឌពោធិ៍សែនជ័យ បានទទួលដំណឹងថាមានករណីជួញដូរ និងប្រើប្រាស់គ្រឿងញៀននៅចំណុចផ្ទះគ្មានលេខ ផ្លូវលំ ភូមិសាមគ្គីទី៦ សង្កាត់ត្រពាំងក្រសាំង ខណ្ឌពោធិ៍សែនជ័យ។ ក្រោយពីបានទទួលដំណឹងភ្លាមកម្លាំងនគរបាលបានសហការជាមួយអាជ្ញាធរមូលដ្ឋានបានពិនិត្យនិងឆែកឆេរនៅផ្ទះខាងលើបានឃាត់ខ្លួនជនសង្ស័យម្នាក់ឈ្មោះ លី សំណាង កំពុងស្នាក់នៅក្នុងផ្ទះខាងលើ ព្រមទាំងដកហូតបានវត្ថុតាងខាងលើហើយនាំខ្លួនជនសង្ស័យមកអធិការដ្ឋាននគរបាលដើម្បីសួរនាំ។
បច្ចុប្បន្នជនសង្ស័យត្រូវបានកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ3251
- ម្សិលមិញ16391
- សប្តាហ៍នេះ49481
- ខែនេះ164631
- ឆ្នាំនេះ164631
- សរុប20607087